Dale vidaregåande skule ligg i Fjaler kommune, nærmare bestemt i kommunesenteret Dale i Sunnfjord. Dale er regionen sitt bu-, arbeids- og servicesenter, og Dale vidaregåande skule er den einaste vidaregåande skulen i ein vidstrekt region.
Skulen tilbyr studiespesialiserande, bygg- og anleggsteknikk, helse- og oppvekstfag, helsefagarbeidar, teknikk og industriell produksjon, industriteknologi og påbygging til generell studiekompetanse.
Dale vgs er ein stad der elevar og tilsette trivst i lag, miljøet er svært godt og stimulerer til utvikling og læring.
Det er i dag rundt 210 elevar og 45 tilsette ved skulen.
Visjonen vår er «Vilje til visdom og vennskap».